新斗記 (裝修中)

母親節當日，原本book嘅餐廳臨時俾唔到位我，唯有轉場，係夜晚8點半左右幸好搵到呢間啱啱有位！唔理咁多都坐入去食了成個餐其實都幾多野食，4人餐收1880+（未加一）係母親節黎講算係性價比一流架啦。但菜有啲預製feel，以前冇食過，唔知係母親節怕做唔切先咁定平時都係啦。不過味道上係ok嘅，份量上甚至食唔曬要打包添。但必須要提嘅人職員訓練需要做多啲啦，運作都幾混亂，開個茶都有5 6個唔同職員黎問過，但最後等左半個鐘都係冇。有啲菜賣曬話轉菜，來來回回2 3個唔同職員黎問幾次同一樣野。仲有啲明顯老資歷嘅職員大聲講粗口。令成個環境好亂好嘈。明明硬件上環境係坐得舒服，野食都唔係差。職員嘅質素咁樣而流失左客人嘅話就比較可惜了。