新四眼佬打冷小廚

营业中

休息中

之前路過接到邊間四眼佬嘅宣傳單，返去一睇好吸引，所以今日就同朋友過咗去食，最吸引我哋嘅就係呢個鮮蜆花甲粉，佢畀我哋平時食嘅花甲粉會有分別，平時食嘅花甲粉係蒜蓉居多，呢個好似日版嘅花甲粉咁樣，蒜味唔多，然之後會食到有淡忌廉嗰啲味，可能個湯底就係用日式嗰啲忌廉湯底啩，個份量都好多好足，可以講佢係日版嘅花甲粉，同朋友一人叫咗一個，然之後再叫多兩個小食，就係佢嘅蜜糖雞翼，同埋爽滑魚皮，呢兩個都好好食，個蜜糖雞翼個皮好脆，蜜糖都好多，甜甜地，啲皮好脆再加上佢放咗黑椒粒，食落去都好野味，爽滑魚皮好爽脆，魚皮都好厚，因為切絲再拌有其他嗰啲蔥蒜、西芹嗰啲,個口感都好清爽,啲花生碎都好香,下次可以試下夜晚過嚟,應該又係一間唔錯嘅店