影片
更多
2011-03-03
361 浏览
假日去完上白泥睇人玩車，再去下白泥睇日落，晚上更係唔少得去流浮山食海鮮。入夜後遊客買完鹹魚就會一窩蜂湧去食飯。第一次嚟，都好煩惱應該揀邊間，又冇事前上嚟做下功課。眼見新式大酒樓同舊式酒家都人頭湧湧，唯獨近巷頭的一兩間還有空枱。兩人為免同人迫，二話不說便走入這間森城。因為坐四至五人枱，兩個人坐得很舒服，坐下便有人說可以出去海鮮檔睇海鮮。海鮮檔種類唔多，可能比其他旺場嗰啲酒樓遜色一點。不過反正兩個人又唔食得多，冇乜所謂。到呢類海鮮街，都有心理準備比人劏到一頸血，而那位介紹海鮮的資深店員都有丁點兒絀絀迫人嘅感覺，還好自己一講到錢就比較強硬，而佢亦沒有甚麼不滿意，都可接受同抵讚的。最後點了三個海鮮一碟菜。香煎黃金蠔，實情呢個唔算海鮮，金蠔係蠔屎嘅一種，不過比蠔屎好食好多。半打都要成$98，但係用豉油煎出嚟真係好香同好好食。蒜蓉粉絲蒸扇貝($50/2pcs)，蒜蓉粉絲好足料，而扇貝都算幾大粒，又係好食。豉椒炒聖子，叫咗半斤但唔記得價錢。聖子比較細隻，不過一碟都有好多，唔會殼多肉少，冇沙又爽口，不過個豉椒味就唔太濃，有啲淡口，可以再香口啲就好。另叫一碟薑汁芥蘭($45)，師傅將部份菜皮撕去，留下菜
入夜後遊客買完鹹魚就會一窩蜂湧去食飯。第一次嚟，都好煩惱應該揀邊間，又冇事前上嚟做下功課。眼見新式大酒樓同舊式酒家都人頭湧湧，唯獨近巷頭的一兩間還有空枱。兩人為免同人迫，二話不說便走入這間森城。
因為坐四至五人枱，兩個人坐得很舒服，坐下便有人說可以出去海鮮檔睇海鮮。海鮮檔種類唔多，可能比其他旺場嗰啲酒樓遜色一點。不過反正兩個人又唔食得多，冇乜所謂。到呢類海鮮街，都有心理準備比人劏到一頸血，而那位介紹海鮮的資深店員都有丁點兒絀絀迫人嘅感覺，還好自己一講到錢就比較強硬，而佢亦沒有甚麼不滿意，都可接受同抵讚的。最後點了三個海鮮一碟菜。
香煎黃金蠔，實情呢個唔算海鮮，金蠔係蠔屎嘅一種，不過比蠔屎好食好多。半打都要成$98，但係用豉油煎出嚟真係好香同好好食。
蒜蓉粉絲蒸扇貝($50/2pcs)，蒜蓉粉絲好足料，而扇貝都算幾大粒，又係好食。
豉椒炒聖子，叫咗半斤但唔記得價錢。聖子比較細隻，不過一碟都有好多，唔會殼多肉少，冇沙又爽口，不過個豉椒味就唔太濃，有啲淡口，可以再香口啲就好。
另叫一碟薑汁芥蘭($45)，師傅將部份菜皮撕去，留下菜芯，所以食落冇渣好爽脆。
食完飯，原來仲有大菜糕質感嘅馬豆糕同橙送，有得送已經係驚喜，對呢個冇要求啦~
埋單三百蚊有找，又幾抵食喎。點解啲人唔揀嚟呢度食呢？不過以我個人嚟講，我可以舒舒服服咁食一餐，仲happy。再嚟流浮山的話都會揀返森城。
张贴