燈籠滷味 (登龍街) (已結業)

依間餐廳氣勢如虹，成日都要大排長龍，尋日5:00見唔使排隊，就同老公去試咗佢嘅野食。首先講吓佢裝修，好有懷舊嘅風味，未食就覺得好有feel。我就叫咗佢推介嘅絞盡腦滷汁，入邊有豬耳，豬大腸，雞腎，豬展，同埋高麗菜，梗係叫咗王子麵。老公就飽飽地，佢就正叫咗粉絲同埋高麗菜，加咗花枝丸同埋台灣腸仔。入到黎呢間舖頭令我諗起師大夜市嘅車仔麵。食開車仔麵成日有種感覺一定係柔細瞓唔飽肚，但係出奇意料，就算我叫咗王子面都有兩個面底，仲要好多好多了，所有內臟，好似豬大腸雞腎起碼有八至十舊，老公叫嘅粉絲我覺得味道調得好好。又大份。不過我覺得的滷味可以再汶耐少少。再入味的。另外，如果佢有支竹響鈴就好啦。你問我味道係唔係真係同師大夜市一樣味，我又覺得風味唔係好一樣，不過燈籠老味的車仔面，都幾大份抵食，食依個味道同依個風味，推介～