小鍋米線 (水邊圍) (已結業)

星期日唔想屋企煮又懶，所以行左去屋企附近搵野食。小鍋米線都算係清清地，反正又有少少喉嚨痛，都係叫d清清地嘅野嚟食。我都唔係成日嚟呢間食，原來佢d飯都幾抵食，一個自選雙拼飯都只係$38，仲要包飲品。蕃茄濃湯米線就要$42，依家嘅物價計都差唔多啦。要左一個蕃茄濃湯米線配豬軟骨，蕃茄濃湯米線酸酸地幾開胃，湯料仲配左酸菜，酸菜酸度適中，幾開胃。豬軟骨都炆得好淋，味道唔錯。至於$38嘅兩餸飯，賣相就差左少少，可能因為淋得太多汁。兩餸呢次揀左雞扒、蛋同埋腸仔。賣相雖然麻麻地，但係佢又真係好鬼足料，超抵食，又飽肚又平，糧尾之選啊。