二鍋頭 (好運中心)

营业中

休息中

好長時間冇嚟沙田逛，而家好運中心多左好多各式各樣嘅食店，今日黎到呢間二鍋頭，門口貼有價目表，清晰易明。款式、配搭非常之多。無論你揀邊一款火鍋，火鍋前均可以品嚐黑椒豬手煲、二鍋頭惹味雞煲、嫩滑酸菜魚煲及秘製火焰牛尾煲。我哋今日首先試嘅係牛尾煲，店員小哥好細心，每一個步驟都會事先說明，加左少少酒落牛尾煲度，視覺效果一流，牛尾經過長時間燉煮，口感軟嫩，牛味濃，仲食到少少酒味。火鍋同樣好多湯底選擇，我地今次揀嘅係豬骨湯底，湯底鮮甜味美，跟餐每位有1客安格斯牛小排，灼幾秒就食得，口感嫩滑。另外食咗好多款嘅食物，有鮮滑牛、鮮蝦、墨魚滑、響鈴、水餃、肉丸及蔬菜等，特別欣賞佢手機落單，材料可以選擇好少嘅份量，啱哂我呢啲好想每樣試少少嘅食客。