峇峇娘惹 (MOSTown新港城中心(4期)) (已結業)

前排因為疫情嘅關係好多食店都會做優惠，峇峇娘惹都唔例外。▫️星期日嘅下午我哋嚟到新港城，去到餐廳門口都要排一陣隊。我哋被安排多坐近收銀機對住嘅二人枱，但不論座位、走廊位都好窄，店員行出行入都基乎會hi到我嘅衫䄂。而且由於對住收銀位嘅關係，每次客人買單佢哋個pat pat都係會對住我哋嘅。▫️🔸香茅豬扒喇沙參參叻沙湯底好香濃，香料味都幾出，油麵偏淋，豬扒香口入味，但比較辣鞋口，不過整體係好味的。▫️🔸巴東牛肉蝶豆花飯一上枱藍色嘅碟豆花好吸睛，飯有好香嘅椰漿香，但煮得偏濕，有少少咸味。巴東牛肉炆得好淋好香好惹味。炸花生同辣菜團都好正好香口。▫️🔸白咖啡味道正正常常，唔係話特別好香，普通咖啡一杯。