牛一 (iSQUARE國際廣場) (裝修中)

好鐘意呢類日式火鍋放題😚 雖然唔係一人一鍋，但係有好多種湯底可以揀，而且lunch set 抵食，$100都唔洗，限60分鐘，有兩款肉類加自助區嘅新鮮蔬菜、火鍋食材同埋麵食任食。雖然肉類唔係無限供應，但自助區嘅食材已經夠食到飽！而種類都算幾多！蔬菜仲有啲特別選擇例如花生芽、貢菜、羽衣甘藍。 另外仲有咖喱飯，章魚燒等小食任食。飲品方面有十幾款凍飲同熱茶選擇，有糖無糖飲品一家律齊全。甜品有兩款軟雪糕，旁邊仲有幾款配料可以加添🍨60分鐘其實都夠時間食得飽，不過就有啲趕，如果想食多啲肉同埋又有時間，可以俾幾十蚊食100分鐘放題😋 都好抵食 👍🏻