影片
更多
2023-12-22
41 浏览
餐廳門口比較低調，開門入到去好似入咗第二個世界咁，有一張大大張嘅吧枱，客人都係圍住吧枱坐。佢哋嘅午市廚師發辦好抵食，而家仲有九折優惠🈹，人均四百鬆啲就食到！叫完之後圍住吧枱坐，望住廚師即席製作料理，同朋友傾吓偈，特別寫意，幾適合大時大節去慶祝！-——————————————❤️◖廚師發辦◗ $450佢午市嘅廚師發辦好抵食，而且仲有九折優惠，所以埋單$450都唔使！佢餐單包嘅品行都幾多，而且魚類款式一啲都唔馬虎，壽司刺身超厚切，醋飯細細粒而且握得夠實，唔會食飯食飽！👇🏻👇🏻🥗/沙律🥚/日式蒸蛋：表面有粒帆立貝，蜆肉，鮮味落晒啲蒸蛋到，特別清甜🐟/刺身四款-蝶魚：表面有啲柚子皮碎，沾上青檸啫喱食用，酸酸哋幾開胃，蝶魚邊油份重啲，魚油味幾香-大分縣生蠔：好大隻又鮮甜，口感係軟綿個種，配上黑松露酸汁，生蠔🦪本身嘅味道加上酸汁，清新開胃-煙燻春魚：客人自己㨴蓋，大大塊好厚切 ，口感鬆軟綿密，帶淡淡煙燻香氣同輕微炙燒嘅味道-白子：表面係醋啫喱，底下係酸汁，白子口感好creamy，好滑，但食到底略嫌有啲腥🍣/壽司八款-金扇鯛：口感軟腍，味道比較淡-北寄貝：口感爽脆，好鮮甜-鰤魚：油脂豐富，食落好甘甜，
-——————————————
❤️◖廚師發辦◗ $450
佢午市嘅廚師發辦好抵食，而且仲有九折優惠，所以埋單$450都唔使！佢餐單包嘅品行都幾多，而且魚類款式一啲都唔馬虎，壽司刺身超厚切，醋飯細細粒而且握得夠實，唔會食飯食飽！
👇🏻👇🏻
🥗/沙律
🥚/日式蒸蛋：表面有粒帆立貝，蜆肉，鮮味落晒啲蒸蛋到，特別清甜
🐟/刺身四款
-蝶魚：表面有啲柚子皮碎，沾上青檸啫喱食用，酸酸哋幾開胃，蝶魚邊油份重啲，魚油味幾香
-大分縣生蠔：好大隻又鮮甜，口感係軟綿個種，配上黑松露酸汁，生蠔🦪本身嘅味道加上酸汁，清新開胃
-煙燻春魚：客人自己㨴蓋，大大塊好厚切 ，口感鬆軟綿密，帶淡淡煙燻香氣同輕微炙燒嘅味道
-白子：表面係醋啫喱，底下係酸汁，白子口感好creamy，好滑，但食到底略嫌有啲腥
🍣/壽司八款
-金扇鯛：口感軟腍，味道比較淡
-北寄貝：口感爽脆，好鮮甜
-鰤魚：油脂豐富，食落好甘甜，有啲似軟腍嘅油甘魚
-赤身：鮮甜軟腍，食落冇筋
-瀨尿蝦：超鮮甜，有啲出乎意料，推薦！
-炙燒碟魚邊：燒過之後，將啲油脂逼晒出嚟，好香魚油味，口感爽口，表面有啲櫻花蝦，更添風味
-大拖羅：粉紅色，油脂超豐富，入味即溶，但就略嫌筋位多咗少少
-海膽軍艦：海膽份量都幾多，鮮甜軟綿，入口即溶
🍙/手卷
彩羽太卷：自家特色手卷，兩件起做，將海膽、吞拿魚、青瓜同醬油漬蛋黃依次放上紫菜飯上面，再捲成手卷分切成件，好考師傅工架！裏面嘅醬油漬蛋黃超級漿口😍，加上creamy嘅海膽，口感好黏稠，配搭吞拿魚同青瓜，配搭唔錯，口感同味道都好有層次！
🍳/玉子燒
佢哋玉子燒好特別，有啲似蛋糕，面層焦香少少，蛋味香濃
🫕/麵豉湯
🍧/甜品
午市+$28可以升級日式刨冰，用日本冰塊，即叫即刨，冰嘅口感綿密，好食！叫咗抹茶同芒果，好欣賞佢分三層將啲醬汁唧落啲冰到，兩個口味都做得唔錯！芒果醬🥭比較酸，酸味味特別開胃；抹茶味🍵食到抹茶嘅顆粒感同回甘，加上紅豆蓉同白玉，特別有儀式感！
🥘◖牛肉壽喜燒紙火鍋◗ $150
呢個係新推出嘅紙火鍋，裏面有牛肉🥓、菌菇、豆腐、蔬菜，配白飯同麵豉湯。牛肉煮完之後點上蛋液，特別軟滑，壽喜燒汁嘅味道都迫晒入蔬菜裏面，送飯一流！
🌟Encore指數：9.2/10
张贴
