潮館 (創紀之城五期(apm)) (已結業)

家族团拜拣喺呢一度食， 订咗两围全包宴 ，仲可以有独立房间， 虽然唔系好阔落 ，但胜在可以隔声， 放心倾计和享用美食。 酒席菜式都唔错， 份量十足 ，好食兼大件 ，价钱仲要好抵， 四千零蚊两围好味丰富嘅团拜宴 ，实属难得。 全包宴有十样𩠌 最好食就梗系炒班球 ，其次就系鲍鱼 ，第一碟潮式拼盘都唔错 ，最难得就系有一碟淮山上汤浸菜苗， 菜靓汤甜， 少油少盐， 非常健康 。豉汁蒸头腩就咸得滞， 失败之作。 梅糕排骨同埋炸虾枣都不过不失， 红烧海味会生翅就比较行货， 所以剩咗好多， 糯米饭都炒得好好， 最后嘅脆皮鸡冇人食， 可能系分量太大，大家都食饱了。 反而寿桃就有人争， 可见甜品系必需嘅 。呢度嘅服务就差啲 ，但系可以自己斟茶就系一大优点， 就算揾唔到侍应都唔紧要，自己动手， 丰衣足食。 下次有聚会都可以拣呢度。