金鳳大餐廳

據聞經常要排隊,但今晚去到得一半人客唔駛等. 簡陋懷舊既餐廳但侍應卻係後生仔女,服務都算ok.
餐包: 夠熱,鬆軟,但牛油唔夠濃.
羅宋湯: 酸酸哋,微辣,都幾開胃.
蘇格蘭牛扒: 侍應話即係肉眼. 黑椒汁唔辣唔會嗆喉. order咗7成熟,上枱時得6成左右. 食咗兩啖就變咗7成熟,呢點都幾細心.最可惜既係塊扒冇牛味. 薯條有薯味,都好脆.
熱華田: 叫咗熱朱古力但變咗熱華田(可能因為隔離枱嗌凍華田啦). 不過反正都係差唔多既嘢,所以冇要求換.不過錯有錯着,華田同奶既比例啱啱好.唔會太奶又唔會太甜,冇加糖都好好飲.