你妳 (運通洋樓) (已結業)

荃灣不嬲都好多好嘢食，所以今日去開荃灣，都搵下有冇一啲好食嘅台灣嘢，最後搵到呢一間，雖然鋪頭細細間，但係餐牌上有好多美食😍😍😍打開餐牌，見最出名嘅就係呢一款：肉鬆芋泥吐司，咁一定要嗌啦！果然名不虛傳，肉鬆非常澎湃，😎😎芋泥亦好淋好香，用軟綿綿嘅麵包包住非常好食！😙😙跟住呢一款：台南米糕波波球，非常之特別！係由糯米包住一啲香菇同埋肉鬆，煙煙靱靱好好食！🤪🤪由於想食多啲小食，所以叫多一款糖心蛋，甜甜地口感唔錯！至於呢一款： 夜市鹽酥拼盤 ，係由鹽酥雞，甜不辣，花枝丸同四季豆 四款造成，好大碟！每一件都打炸得好香好脆，食到我哋非常飽呀！🤩🤩🤩最後要介紹呢兩杯：高雄紅茶牛奶珍珠同炭培烏龍珍珠奶茶，份量十足，非常解渴！😎😎總結呢餐性價比極高😎👊🏻👍🏻去開荃灣不妨試吓，平時都幾多人排隊🙈🙈