桔梗 (已結業)

以前去過桔梗，貪佢地方夠大唔洗點等位，今日咁岩去開旺角，就揀左呢度食dinner!佢樓高兩層，夜晚可以比人食水煙。空間感超大，座位闊落，好好坐。發現佢以前主打台式變左日式料理，佢有個抵食二人餐588，見好多款式，套餐包前菜同枝豆，有溏心蛋，賣相好得，食落勁流心。主菜有四款，分別係台式炸雞，炸得好香口，雞肉仲能保持鮮嫩多汁。京葱檸檬豬腩、明太子醬炒魷魚，烤吞拿魚配芥末蛋黃醬。每款都好新鮮，賣相美觀，套餐仲包三文魚茶漬飯同明太子茶漬飯各一碗，份量超大碗，佢湯同飯比例均勻，食落唔會過淋，配上鮮甜既熱湯，好好味！個餐值得一讚係會包清酒一枝，岩哂好酒人士。最後仲有好岀名既芝士蛋糕作結，濃濃既焙茶味，配上焙茶忌廉，芝味濃郁。