影片
更多
2021-09-23
520 浏览
好耐冇同男朋友飲茶，search到呢間係附近就黎試下。我地叫咗個金沙脆皮銀蘿腸($26)。雖然一開頭黎錯叉燒腸，但我地同返侍應講既時候，佢都好好禮貌咁幫我地換返。腸粉皮好滑，入面好脆，真係會食上癮之後黎咗個金錢肚($24)，都算入味，不過有舊大舊d既就比較難咬，同埋我啊婆口味，覺得再淋d都可以，佢下面仲有蘿蔔粒，都係好入味架，而且唔會太硬。然後係黑松露菜苗餃($26)，呢個就有d失望喇，食落去完全冇黑松露味，同埋個皮有d過厚，成隻餃味道偏淡。我地仲叫咗2粒燒賣($15)，呢個就好食好多，大大隻蝦，又多豬肉，口感紮實，味道岩岩好。之後我地有試埋黑金流沙包($25)，呢個都抵讚，個流心唔會太實又唔會太水，蛋黃又夠香想滋補一下就叫咗個黑蒜螺片燉肉湯($38)， 除咗有黑蒜、螺片、豬肉，仲有2隻雞腳，真係幾足料，黑蒜味道比較重，唔中意既朋友就唔好叫了。最後唔夠食就叫埋個釀茄子，上面有一大舊鯪魚肉，下面既茄子就夠淋夠入味，而且仲好夠熱
我地叫咗個金沙脆皮銀蘿腸($26)。雖然一開頭黎錯叉燒腸，但我地同返侍應講既時候，佢都好好禮貌咁幫我地換返。腸粉皮好滑，入面好脆，真係會食上癮
之後黎咗個金錢肚($24)，都算入味，不過有舊大舊d既就比較難咬，同埋我啊婆口味，覺得再淋d都可以，佢下面仲有蘿蔔粒，都係好入味架，而且唔會太硬。
然後係黑松露菜苗餃($26)，呢個就有d失望喇，食落去完全冇黑松露味，同埋個皮有d過厚，成隻餃味道偏淡。
我地仲叫咗2粒燒賣($15)，呢個就好食好多，大大隻蝦，又多豬肉，口感紮實，味道岩岩好。
之後我地有試埋黑金流沙包($25)，呢個都抵讚，個流心唔會太實又唔會太水，蛋黃又夠香
想滋補一下就叫咗個黑蒜螺片燉肉湯($38)， 除咗有黑蒜、螺片、豬肉，仲有2隻雞腳，真係幾足料，黑蒜味道比較重，唔中意既朋友就唔好叫了。
最後唔夠食就叫埋個釀茄子，上面有一大舊鯪魚肉，下面既茄子就夠淋夠入味，而且仲好夠熱
张贴
