101肉燥飯專門店 (西洋菜南街) (已結業)

好飽，好扺食，無諗過鬧市都有咁抵食嘅一人火鍋。我想信大家諗起一人火鍋會諗起大家樂，美心，吉野家竹輪火鍋。今次係西洋菜街見到嘅係快餐店價錢一人火鍋，旺區黎講少見。我叫左個清湯三杯雞，佢幾多料，大過快餐店一人邊爐，雖然每一樣都唔多，但幾多款配料，適合唔食咁多肉嘅我。三杯雞比想像中無咁辣，所以怕辣朋友唔洗擔心。一上菜就有一個大鍋，之後再上烏冬，就連電話都無位放。一望落去好大份啊~~~邊有諗過6十幾蚊都咁大份量。去到台式餐廳，一定會叫珍珠奶茶試下，雖然杯珍珠奶茶唔係特別好飲，都可以叫黎飲。