麻市滋味館 (已結業)

冰梅肉排（$98）肉排炸得好香，內裏肉質好嫩，而冰梅醬汁食落唔太酸，有濃濃嘅梅子香味，味道清甜，作為開胃前菜係唔錯嘅選擇。金牌金字塔（$108）賣相超級吸引，將梅菜扣肉砌成金字塔，好有心思。好鐘意佢嘅扣肉脂肪比例好多，食落入口即融，而瘦肉部分亦煮得好林，而醬汁都非常濃味，用黎撈飯食記最岩。豉汁蒸白鱔（$118）非常新鮮，咬落爽口彈牙，肉質鮮嫩，即使配上濃濃嘅豉汁，都能夠食到魚嘅鮮甜味，值得一讚呀！