村爺爺龍蝦湯.泡飯.燉湯專家

之前見有飲食雜誌報導介紹村爺爺，今日去完果欄買水果，見都係附近，所以就去幫襯喇。去到村爺爺，時間尚早，好好彩唔使排隊就入得喇。

小弟同女友叫左花膠螺片雞湯翅套餐同真盛村爺爺龍蝦湯泡飯。套餐杯飲品好大杯，咁大杯既跟餐飲品已經好少地方有，真心覺得抵贊。

凍檸茶

花膠螺片雞湯翅有成半隻雞，湯濃得黎好香好清甜，花膠，螺片同翅都好多，唔要餐$68蚊真係好抵，要餐加個飯，菜同飲品都係加$10。

花膠螺片雞湯翅套餐

$68

同真盛村爺爺龍蝦湯泡飯，湯好濃郁既海鮮味，有半隻龍蝦，一隻大扇貝，青口四隻，好多既白蜆同花膠螺片，仲有兩大塊豬腩片添。依個餐既價錢就高一點，$128連一碗白飯。不過其實份量都多都食唔哂。

真盛村爺爺龍蝦湯泡飯

$128

食飽飽走，門口已經好多人排隊。不過真心覺得好食兼抵食，雜誌果然無介紹錯。