鬍鬚仔 (已結業)

鬍鬚仔係屯門開咗幾個月都未去試，始終位置有d 偏，今日有事去開個頭一於去試。今次試咗泡菜漢堡包，加多$20有埋粗薯條及飲品。最初以為薯條份量會少d,但原來都多，最後食唔哂。講番個包，先要讚泡菜，咸味剛好，但可惜有d 凍，係冬天食就感覺冇咁完美。漢堡肉味係食到尾冇哂泡菜先食到肉味，但$60個餐即整都始終係讚。薯條亦外脆內軟，仍夠熱。飲品可揀湯、罐裝，紙包。今日見係松露忌廉湯，望見隔離位飲，賣相都唔錯，日後會再試其他包。