倫哥尊尚火鍋私房菜 (已結業)

唔係第一次食倫哥，之前响觀塘倫哥都同成班fd食過，大家都讚好掂，所以今次倫哥佐敦開新場，就帶fd嚟試一下！講真之前太子果間我就嫌交通唔太方便，離地鐵太遠，今次佐敦呢度我就覺得ok啦！嘢食方面，依然得手都不得了呀！服務亦非常好，我認得一位姐姐係响深水埗做開嘅，佢好好禮貌，要讚呀！呢個雞煲夠惹味！讚呀。。前菜香辣，啱晒我呢啲嗜辣者。仲有飽魚同花膠扒食，抵晒啦。。刺身亦好新鮮，大愛。仲有燒物可以㨂，唔會咁悶。呢盆牛肉不得了，爽口又唔靭，肉香味濃，正！海鮮盤亦好鮮甜。看似下欄嘢，但其實好香脆。黑白蝦滑同墨魚滑，我最like!最後一碗重慶冰粉，好似有清熱氣之效，爽！蟹肉多膏鮮甜，掂呀