影片
更多
2021-10-09
107 浏览
今晚黎到銅鑼灣食Omakase, 座位寬敞, 有3位師傅負責全場食物, 感覺清雅. 食Omakase硬係要坐bar枱, 可以同師傅交流下.叫左”逸”套餐, 包括刺身, 酒肴, 壽司, 甜品等等, 全25品.北海道白玉粟米前菜都好重要, 有漬黃蘿蔔, 牛蒡同酸疆. 第一道菜係北海道白玉粟米, 粟米大大粒, 好爽口, 仲超級甜, 係粟米既另一個境界.沖繩水雲水雲都屬於海藻既一種, 係沖繩獨有既特產, 口感黏黏滑滑, 放入口就瀡左入口嚨. 上面加左蟹肉, 增添海鮮感.蟹膏豆腐 並唔係一般既豆腐, 師傳將蟹膏混入豆腐, 再整成蟹膏豆腐, 濃烈既蟹膏味加上滑滑豆腐, 上面再加蟹肉同魚子醬, 無得彈.鱈魚白子 好幼滑, 蛋白質豐富.石垣貝 鮮味爽口, 即開即食, 全完食到海鮮味.薄切油甘魚 平時食油甘魚多數都係刺身壽司, 今次師傅用漬油甘魚, 醬油同油甘魚好夾, 完全食到另一個口味.磯燒帶子 帶子燒左大約半熟, 加上少少醬油, 用脆脆紫菜包住食, 真係會食上癮.葉血引壽司 未聽過”葉血引”呢款魚, 肉質唔錯, 師傅話係時令當造品種秋刀魚壽司 以前係日本都食過秋刀魚刺身, 同熟既秋刀魚完全唔同, 秋
今晚黎到銅鑼灣食Omakase, 座位寬敞, 有3位師傅負責全場食物, 感覺清雅. 食Omakase硬係要坐bar枱, 可以同師傅交流下.叫左”逸”套餐, 包括刺身, 酒肴, 壽司, 甜品等等, 全25品.
北海道白玉粟米前菜都好重要, 有漬黃蘿蔔, 牛蒡同酸疆. 第一道菜係北海道白玉粟米, 粟米大大粒, 好爽口, 仲超級甜, 係粟米既另一個境界.
沖繩水雲水雲都屬於海藻既一種, 係沖繩獨有既特產, 口感黏黏滑滑, 放入口就瀡左入口嚨. 上面加左蟹肉, 增添海鮮感.
蟹膏豆腐 並唔係一般既豆腐, 師傳將蟹膏混入豆腐, 再整成蟹膏豆腐, 濃烈既蟹膏味加上滑滑豆腐, 上面再加蟹肉同魚子醬, 無得彈.
鱈魚白子 好幼滑, 蛋白質豐富.
石垣貝 鮮味爽口, 即開即食, 全完食到海鮮味.
薄切油甘魚 平時食油甘魚多數都係刺身壽司, 今次師傅用漬油甘魚, 醬油同油甘魚好夾, 完全食到另一個口味.
磯燒帶子 帶子燒左大約半熟, 加上少少醬油, 用脆脆紫菜包住食, 真係會食上癮.
葉血引壽司 未聽過”葉血引”呢款魚, 肉質唔錯, 師傅話係時令當造品種
秋刀魚壽司 以前係日本都食過秋刀魚刺身, 同熟既秋刀魚完全唔同, 秋刀魚刺身好鮮味, 唔會有熟秋刀魚既腥味.
赤貝壽司 超級新鮮, 爽口, 脆卜卜.
湯葉 其實係腐皮, 好滑身, 加工後配上大大粒三文魚子.
北海道牡丹蝦 蝦係店內魚缸即撈上黎, 絕對新鮮, 肉質爽口, 師傅會挑埋蝦頭裡面既蝦膏, 成隻蝦都食晒, 唔會嘥.
白見貝 都係新鮮即劏, 爽口鮮味, 唔使加任何調味.
仙鳳趾真蠔 好大隻, 新鮮, 啖啖海水味, 正!
沖繩花竹蝦 新鮮即撈, 超大隻, 師傅係你面前將蝦去殼, 外面用火槍燒左1成, 裡面仲係生蝦, 超爽口鮮味!
黑龍魚壽司 師傅話都唔係常有, 口感好好.
筋子壽司 平時既三文魚子係已經除去薄膜, 而筋子未除去薄膜, 相比係更新鮮既三文魚子, 都相當考師傅既處理手法.
北海道響螺全場最超脆卜卜爽口, 北海道響螺比普通響螺更鮮味.
醬油漬赤身包海膽 漬後赤身好入味, 配上海膽無得頂.
磯煮鮑魚 鮑魚肉質好冧, 煮到啱啱好, 配上蟹膏, 再加上另一層海鮮味.
天婦羅無花果 第一次食, 薄薄漿粉, 炸到熱辣辣, 無花果帶微酸.
大拖羅壽司 重點出場, 果然無令人失望, 肉質鮮甜美味, 入口即溶.
北海道蟹肉蟹膏拌飯 呢個都係絕配蟹肉蟹膏拌飯, 淨係聽個名都已經流口水.
白海膽白海膽都算係頂級海膽, 鮮味甜味絕對不容置疑, 用紫菜包住食都係慣常絕佳選擇.
布甸蛋 蛋味極濃, 一口一粒.
磨菇麵豉湯 麵豉湯清新, 顏色雖然清徹, 但味濃.
益力多味雪葩好濃味既益力多味雪葩, 飯後甜品一流!
张贴
