亞蘇爾 (形點) (已結業)

好耐之前已經聽過呢間餐廳係好好食，但係因為好少去元朗，所以都冇試過，今次入嚟做嘢，就專登過嚟試埋佢。新春二人餐 $498見到個二人餐好抵呀，所以我哋決定嗌個二人餐。喜氣洋洋濃湯（2客)冇乜特別一般般啦，但係唔會難飲嘅～盆滿砵滿小食拼盤呢個拼盤好豐富呀，入邊包含有芝士馬介休薯球、墨魚球、辣蝦柚子沙律、芝士脆豬包。我最鍾意就係芝士馬介休薯球、墨魚球呢兩款，芝士馬介休薯球夠特別之餘墨魚球仲好爽口添☺️😋横財就手葡萄牙脆皮鹹豬手伴薯菜其實我本身係一個非常之鍾意食豬手嘅人嚟嘅，葡式嘅豬手我之前冇食過，不過成日食德國嗰隻脆皮鹹豬手，而呢一款脆皮鹹豬手真係非常之令我驚喜！要形容下佢嘅外皮係表皮微微嘅趣，但係保留左豬手皮嗰一種煙靭又充滿骨膠原嘅感覺，再加上佢調味係啱啱好，一食落去我簡直係呆咗，因為實在太好食啦！！😍😍為咗呢一個豬手我都一定會瘋狂再食呢一間野🤣🤣🤣🤣主菜可以揀富貴蝦子松露意大利麵或者錦繡蝦仁炒飯（即係葡國腸菠蘿蝦黃金咖喱炒飯），我哋揀咗意粉，其實係十月初五蝦子松露意大利麵🥰因為我唔係太食意粉，所以我淨係食咗少少，松露味好香，加上有蝦子，係一個特別又好食嘅菜式，意粉都唔會話煮得太林😆另外仲有