熊貓甜品屋 (已結業)

今日迟放工经过佐敦附近食完好味烧鸡比，心思思就喺附近食埋甜品， 拣咗我最钟意食嘅心太软。见到啲相好似呢一间个样似样啲，但系价钱又唔系好贵所以泥呢度。餐厅系以熊猫做主题，门口好大只熊猫，铺内嘅装修都贴满左好多熊猫公仔，连张枱都有个熊猫公仔喺度，风格就系中西合璧咁样， 几fusion几得意。呢度嘅心太软系＄45 ,而我拣咗最传统嘅云呢拿雪糕配搭。上枱喇，个样都几似样几正路。食落口心太软嘅味道唔错，啲朱古力吾会好似水咁样，都几浓几好味，但略嫌里面唔够热，外皮再脆少少会更加好，雪糕应该系雀巢雪糕都唔会错得去边，而且有块熊仔饼喺度又几好味下。以呢个价钱来讲算系唔错。