更多
2021-11-11
268 浏览
天气终于变冻,终于有冬天嘅感觉,低温空气令人对打边炉嘅意欲大大提升,所以去滚亦非常合情合理。我几钟意黎呢间深水埗小店打边炉,因为帮衬咗几次,D火锅配料同价钱都几合理,尤其是佢D安格斯牛,唔知点解总系好食过其他地方𠮶D。佢呢碟牛份量正常,唔会灯影又唔会铺到好有技巧咁等你觉得好大碟,值得一赞。牛味都算OK,脂肪分怖都唔错。碟牛脷都几好食,无渣,薄切渌落去好易熟又唔易un。呢碟牛白肉真心正,出面唔系好多打边炉嘅地方有得食,口感非常有弹性,如果未试过真系要试下。手打墨鱼丸系我每次必叫,打得好弹牙,而且又真系食到墨鱼嘅味道,丸黎讲都算新鲜。今次帮衬咗佢地新出嘅刺身,叫咗个细size刺身拼盘,钟意佢厚切,咬落去特别好呆。
张贴