鴻興海鮮燒鵝食家

营业中

休息中

母親節食晚飯慶祝，之前幫襯過好幾次，覺得餸菜唔錯，價錢公道。我們先係佢自設既停車場免費泊車，再係出面揀新鮮游水海鮮，然後入去大廳搵咗張大枱坐，叫埋其他小菜。海鮮方面，老細強烈推薦金古魚，$16/兩，條魚好大條，成斤重，做咗陳皮蒸金古，肉有少少「鞋」，但係陳皮味入哂去魚肉度，夠哂香。仲有必食蒜茸粉絲蒸蝦，蒜茸粉絲蒸聖子，豉椒炒蜆，入口即溶，清爽鮮甜。另外，唔可以唔試佢既馳名燒鵝，皮脆肉厚，一咬，油汁分泌出黎，滋潤舊肉，細細咀嚼，非常有口感。最後以金菇肥牛煲收尾，呢個算係最抵食，肥牛好多片，大大片。