Morokok (家樂坊) (已結業)

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗呢間餐廳bookmark 咗好一陣子，確實係俾佢嘅裝修吸引咗～ 就book 佢lunchtime 試下先～ 因為book 咗一個佢剛開門嘅時間，未有其他客任影唔嬲！打卡位影相都幾多，一開波就係一條花通道，入面嘅卡位係有少少摩洛哥式圓拱形設計，有好靚嘅牆紙，圖案地磚，有一個扮戶外座位同一架單車同一個勁sharp 粉紅色嘅Barbie 空間，另外都仲有戶外位，有shisha bar，都係以花為主嘅裝飾...其實呢間嘅menu 係泰菜 + 西餐，星期六/日/公眾假期set lunch 係$98 包一杯汽水或冰茶（除牛扒係$136），跟餐湯或沙律$118，跟是日蛋糕$148...🍴泰北海南雞飯配香油飯嚟到見到都幾大碟wor! 開頭對「泰北」兩隻字有D期待，會唔會有咩唔同呢？食落其實係... 冇咩特別嘅😂不過佢嘅雞係整得幾好嘅～ 除咗雞翼外係去咗骨嘅，肉質都幾滑夠入味，油飯好香，夠味又唔太鹹，配咗少少酸蘿蔔，個辣汁夠惹味，整體上都幾有水準👍🏼🍴炸蕃薯條（$15）跟餐加$15 可以有炸薯條或炸蕃薯條，蕃薯條大大條，炸得好香口，外脆內軟，外面鹹入面甜，