小食叫咗個香矛雞翼配鹹蛋黃
一上菜睇落好似炸得有啲燶 但食落唔覺 香茅味同鹹蛋黃好似相沖咗 搞到兩個味都唔夠出
但單骨就好貼心 食得幾方便！
之後係青咖喱海鮮pizza 老實講 我完全食唔到青咖喱味 除咗啲泰國茄子喺度 我都唔知係青咖喱
但魚係幾滑 整體都可以 但青咖喱喺邊
意外唔錯嘅墨汁卡邦尼意粉 帶子煎得好靚
意粉都好食
豬軟骨豬油撈飯
除咗拌碟嘅生果酸到食唔到之外 其餘都可以 飯炒得幾靚（怕太油叫咗少豬油）但豬軟骨比較乾 如果有啲汁會更好
甜蜜蜜流打飲品 好伏 唔敢再試佢啲飲品
埋單平均每人$200幾 食得飽但一般般 同公司嘅mamaday好食啲
