Lady Nara

新開張的時候大排長龍，而家終於少啲人嚟就決定去呢度晚餐～環境裝修偏向大自然風，很多花花草草圍繞住，又粉又綠🤣周圍都係粉紅色好有少女心🌸餐廳主打新派泰國菜，有啲fusion菜式也不錯的！同埋食物份量都偏大🙈

♧︎ 冬蔭煙肉忌廉意粉
很有驚喜的一道意粉～加入冬蔭功跟忌廉竟然食落好夾，味道帶點甜酸和香茅的香氣，兩者完全冇衝突～且味道不會辣，反而中和了忌廉的膩感呢～

♧ 燒豬頸肉配青木瓜沙律
豬頸肉份量很大且充滿油香～沾醬酸酸辣辣的很惹味😆配上爽口的青木瓜沙律可以減膩，推介！

♧ 馬莎文咖喱牛腱
咖哩份量差不多是3人份🤣牛腱炆得很入味很嫩，咖喱質地濃稠且有濃郁的花生香，味道都偏重口味，個人都係中意青咖哩～

♧ 芒果糯米飯配椰奶
食泰菜必點的吧～份量都幾大，芒果香甜唔會酸，糯米飯還是暖的，加上椰汁好食！