老夫子港式餐廳 (已結業)

大帝學校提早放假，帶佢出黎食下野，今次輪到賣甩先生，帶大帝黎睇下我地既童年回憶-老夫子之前係元朗都見過以老夫子做主題既餐廳但有點遠，九龍灣新開就黎試下。原來九龍灣國際展貿中心開左幾多食肆。我叫左五寶飯，飯量足亦軟硬適中，叉燒肥瘦適中，雞翼入味，燻蹄爽脆好味。前菜送左拍青瓜，酸酸甜甜夠爽脆。牛腩雲吞麵，麵質彈牙無梘水味，牛腩夠淋入味。雲吞調味唔錯，夠足料。熱利賓納好夠濃餐廳好多老夫子裝飾，打卡一流，我同大帝都影左好多相。下次行完展覽或睇演唱會前又多一個食飯點。