都爹利會館 (裝修中)

裝修環境服務所有野都好正，用嘅碗碟都好靚，好高級。充滿期待嘅一餐！菜單上面嘅嘢都好吸引每樣野都好想試，不過窮人食唔起貴價野😅😅😅所以冇叫鮑蔘翅肚淨係叫咗一啲想食嘅小菜。每人首先點菜後獲得一啲非常細碟嘅酸醋木耳，味道OK，不過剩係得酸味，自己鍾意食有酸辣味嘅木耳多啲，冇乜驚喜。黑豚肉叉燒，味道OK，燒得唔係好夠香口，而且大半份都係好多肥肉，仲有啲根，好難咬，喺咁高級嘅餐廳要我起勢咁𡁻，所以所以整體都係覺得麻麻。黑醋蟹肉炒桂花，有啲失望因為平時好多餐廳一有呢樣餸我都會叫，標榜用意大利黑醋，多蟹肉，不過本人覺得味道一般炒得又唔夠香。XO醬牛柳條，唯一一樣我覺得好味嘅，但浪費左個XO醬，突出唔到xo醬個味。魚湯時蔬，唔夠熱，味道淡，260蚊太貴啦，不過可能用深海龍躉魚湯啦🤦🏻‍♀️米芝蓮真係食過一次就算啦。