南京金陵湯包

依間上海嘢真係出哂名！出哂名難食！
唔信邪嘅我，今次一個人去挑戰一下。
行到埋去，睇餐廳門面正正常常，入去坐低望下其他人就覺得伏已中

其實可唔可以唔俾星？

一碗簡單嘅酸辣湯雲吞麵，望落好似好靚，但食落口唔酸唔辣，淡而無味，雲吞亦只有三粒，
咁嘅份量，老實俾著我都唔敢俾客啦！講番個雲吞，都預咗佢係急凍雲吞，
不過估佢唔到個皮咁厚，料仲要得嗰少少，真係搞唔掂。
聽同事講，佢其他麵都真心麻麻，如果行過路過見無位想入去lunch就真係要考慮清楚喇！