榕基滷水專門店 1992

入黎大埔真係好多嘢想買，好多時尾站都一定係黎榕基買鹵水斬料返屋企加餸，我哋全屋人都好鍾意食佢嘅鹵水，一來佢啲鹵水好入味但係味道又唔會太濃，二來就係次次食完佢啲鹵水，都唔會發喝。

於是今次臨走嘅時候又去榕基買滷水，每次去買嘅目標都好清晰，都唔使點樣喺門口睇餐牌就可以直接入去點外賣，今次買咗鹵水鵝片例牌，幾隻鵝頸，四兩墨魚同四兩鵝腸。我好欣賞佢啲墨魚同鵝腸係可以段兩咁樣買(二兩起)，咁令到我可以每樣買少少買多幾款唔同的滷水。

返到屋企一打開已經係問到好香嘅鹵水味，每次拎外賣嘅時候店員都好細心會同我講解，返到屋企未食住可以將啲鵝片放入雪櫃，臨食前一小時拎返出嚟室溫等佢自動解凍就可以，再將鹵水汁加熱直接淋面就可以食用，咁樣鵝片嘅肉質依然可以保持得好好。