亞蘇爾 (形點) (已結業)

我元朗同沙田兩間我都食過，之前仲話，沙田不及元朗店。呢次生日飯，我地同樣選擇元朗店食晚飯。我太盡興，唔記得左影相，唯一我淨係影左張蟹粥相，因為我從未食過之餘，本人都相當喜歡蟹粥，加上菜單張相好吸引！蟹粥食得一啖，不得了，係腥到不得了。好似一隻死左好耐好耐，唔新鮮個種腥味⋯⋯⋯⋯咩事，頂唔順我地個日叫左馬拉盞炒雜菜，必叫嘅鵝肝焗飯，燒乳豬，黑松露薯蓉多士，黑松露海鮮意大利粉等等。鵝肝無太大問題，但飯粒嘅味已經不及當初每粒飯都沾滿鵝肝味。依家純粹係好顏色嘅飯配鵝肝。失色左少少。乳豬依舊香脆。但整體上，味覺已經不及當時。失左水準。