京林屋 (已搬遷) 新店位置

我好鍾意食日本菜，偏偏從前男朋友就唔鍾意食，每一次食話要食日本野總會比佢有辦法推到，對佢嚟講鍾意食日本野就係港女，尤其係鍾意食日式甜品芭菲等等，為咗避免發動大戰，我習慣咗同人講我唔食甜野！幸好有人知我心意，又點會有女仔真係咁唔鍾意食甜品呢！好開心終於可以食芭菲了！仲要係六點鐘就會爆多人排隊嘅京林屋！呢一間餐廳真係我想食好耐。佢哋主打嘅全部都係抹茶產品，有精品抹茶，抹茶味嘅蛋糕啦雪糕啦甜品等等！呢一度應該係抹茶愛好者嘅天堂。坐低首先點左個鹹點，呢度嘅咸點只有兩款，一款係熱嘅抹茶蕎麥麵，另一係冷嘅抹茶蕎麥面！我地點左個熱嘅，蕎麥面口感都幾彈牙，湯清淡得來又有點點醬油嘅香味，配上好可愛嘅本菇頭！呢啲本菇頭好可愛，仲有紫菜碎同埋日本蘿蔔，絕對係夏日輕怡之選！食過鹹點當然就係要食甜品啦，呢度全部甜品都係抹茶製造，好多人推薦嘅就係呢度嘅軟雪糕，因為咁樣所以我就點左個香港限定版嘅芭菲！香港限定版嘅芭菲望落去真係好靚架，底層有少少唔同嘅糖漿，再配上美味嘅日本紅豆，面層就係深受歡迎嘅綠茶軟雪糕同埋綠色嘅啫喱！軟雪糕味道香濃，抹茶味適中，不會太甜十分之好吃！正當我響度大贊呢度嘅綠色綠茶啫喱，好好食，好口感