影片
更多
2012-08-05
108 浏览
大家樂相對所住嘅屋苑遠啲，所以比較少去啲，不過，小弟嘅信用卡積分就最常換啲飲飲食食嘅現金券，大家樂當然都有份，換啲現金券睇門口，不時食番個免費早餐或下午茶餐嘛。依次上到嚟大家樂，又要對住眾多早餐組合上左揀右揀，「牛乳炒滑蛋」好似幾有睇頭，先揀一份佢，又見佢個「天天超值早餐」類別內有個「新產品」，其實只係麥片拼熱狗，就試試睇你點新產品法？牛乳炒滑蛋早餐以牛乳炒滑蛋為主打，跟唔同配菜，如腸仔、餐肉……等等，再跟厚牛油多士或蘿蔔糕，送餐飲，由$20-$24.5不等。老婆真識揀，要個最貴嘅，牛乳炒滑蛋拼牛扒（$24.5），選厚多士，飲熱檸水。塊厚多唔係好大塊，而且無乜點烘過咁款，但佢就鍾意加埋滑蛋一齊食，由於啲牛乳滑蛋好得，加咗少少香草，又帶點蛋漿，好食。廿零蚊份早餐，牛扒都無可能大大塊咁俾你，而且都幾薄身，不過，配洋蔥汁，味道唔差，牛扒又幾鬆軟。天天超值早餐好耐無食麥片，又見佢話隻迷你熱狗係新產品，加埋杯熱飲，都係賣$20，都幾超值。鮮奶麥片煮得幾滑口，稀杰度啱啱好，而隻熱狗話迷你，其實都係快餐店常見的正常長度，香腸都只係一般嘅雞肉腸，驚喜位係啲熱狗醬喎，奶黃嘅熱狗醬加咗蛋黃，味道酸酸甜，內
依次上到嚟大家樂，又要對住眾多早餐組合上左揀右揀，「牛乳炒滑蛋」好似幾有睇頭，先揀一份佢，又見佢個「天天超值早餐」類別內有個「新產品」，其實只係麥片拼熱狗，就試試睇你點新產品法？
牛乳炒滑蛋早餐
以牛乳炒滑蛋為主打，跟唔同配菜，如腸仔、餐肉……等等，再跟厚牛油多士或蘿蔔糕，送餐飲，由$20-$24.5不等。老婆真識揀，要個最貴嘅，牛乳炒滑蛋拼牛扒（$24.5），選厚多士，飲熱檸水。塊厚多唔係好大塊，而且無乜點烘過咁款，但佢就鍾意加埋滑蛋一齊食，由於啲牛乳滑蛋好得，加咗少少香草，又帶點蛋漿，好食。廿零蚊份早餐，牛扒都無可能大大塊咁俾你，而且都幾薄身，不過，配洋蔥汁，味道唔差，牛扒又幾鬆軟。
天天超值早餐好耐無食麥片，又見佢話隻迷你熱狗係新產品，加埋杯熱飲，都係賣$20，都幾超值。鮮奶麥片煮得幾滑口，稀杰度啱啱好，而隻熱狗話迷你，其實都係快餐店常見的正常長度，香腸都只係一般嘅雞肉腸，驚喜位係啲熱狗醬喎，奶黃嘅熱狗醬加咗蛋黃，味道酸酸甜，內裡仲有啲甘筍粒、蔥粒，認真唔錯喎。慢慢嘆埋杯咖啡，跟住行吓荔枝角公園，幾hea呀！
其實嚟快餐店食嘢水準一向都OK，唔太好亦唔太差，但今餐個牛乳炒滑蛋同隻熱狗俾到少少意外驚喜，所以鬆手啲俾個「笑」佢！題外話，雖然依家啲人成日話物價貴，周時諗辦法慳啲錢，但依然見好多人出街食嘢。晌萬事達廣場上面依間大家樂，早餐時段保持九乘幾滿，人流快上快落，純粹睇食早餐嘅人流指數，依家個經濟好似好好咁，或許美孚中產較多啦！
张贴
