影片
更多
2021-03-27
12 浏览
朋友相約到此餐廳食飯，因為知我係英超迷，但凡係英超球隊有關嘅嘢都會關注一下，呢個仿如置身阿仙奴球迷大本營確係氣氛十足！朋友今餐宴客，但我唔會獅子開大口，揀個中等價錢套餐嚟食。「波士頓龍蝦配意大利飯」$168，龍蝦唔係太大隻不過勝在啲肉焗得好香唔會「鞋颯颯」，龍蝦肉配芝士唔好食就難，個人好欣賞過意大利飯，黏度適中有啃勁，再加上白松露忌廉汁，口感細膩有層次。朋友叫了餐牌上最貴的一個餐「龍蝦配西冷」其實也是$268，其實相比出面一啲高檔扒房呢個價錢絕對唔貴，朋友怕太生，所以西冷要七成，切了一件給我，肉質見粉紅，口感鮮嫩，我覺得唔錯。其實個餐仲包咗沙律、蒜蓉包、南瓜濃湯，食咗都飽肚，不過見佢話甜品有六折，當然唔放過。「梳乎厘班戟」即制出嚟嘅班戟果然香噴噴，兩件班戟捧出嚟嘅時候仲見到彈下彈下好有動感，甜度適中，唔會過甜，內裏有質感唔會只咬到空氣。「朱古力三重奏心太軟」出色嘅甜品唔係一味只靠個「甜」字，呢個心太軟有塊朱古力片墊底，好感外軟內暖，伴上煉奶是另外一個口感，加或者不加都唔錯。食飽飽望下周圍嘅佈置，牆上見到阿仙奴前領隊雲加嘅背影，佢為阿仙奴創造嘅成就有目共睹，雖則後期漸漸失色而最後下台，不
朋友相約到此餐廳食飯，因為知我係英超迷，但凡係英超球隊有關嘅嘢都會關注一下，呢個仿如置身阿仙奴球迷大本營確係氣氛十足！
朋友今餐宴客，但我唔會獅子開大口，揀個中等價錢套餐嚟食。「波士頓龍蝦配意大利飯」$168，龍蝦唔係太大隻不過勝在啲肉焗得好香唔會「鞋颯颯」，龍蝦肉配芝士唔好食就難，個人好欣賞過意大利飯，黏度適中有啃勁，再加上白松露忌廉汁，口感細膩有層次。
朋友叫了餐牌上最貴的一個餐「龍蝦配西冷」其實也是$268，其實相比出面一啲高檔扒房呢個價錢絕對唔貴，朋友怕太生，所以西冷要七成，切了一件給我，肉質見粉紅，口感鮮嫩，我覺得唔錯。
其實個餐仲包咗沙律、蒜蓉包、南瓜濃湯，食咗都飽肚，不過見佢話甜品有六折，當然唔放過。
「梳乎厘班戟」即制出嚟嘅班戟果然香噴噴，兩件班戟捧出嚟嘅時候仲見到彈下彈下好有動感，甜度適中，唔會過甜，內裏有質感唔會只咬到空氣。
「朱古力三重奏心太軟」出色嘅甜品唔係一味只靠個「甜」字，呢個心太軟有塊朱古力片墊底，好感外軟內暖，伴上煉奶是另外一個口感，加或者不加都唔錯。
食飽飽望下周圍嘅佈置，牆上見到阿仙奴前領隊雲加嘅背影，佢為阿仙奴創造嘅成就有目共睹，雖則後期漸漸失色而最後下台，不過絕亦可以抹殺佢為阿仙奴帶來嘅光輝歲月！
张贴
