我一出𨋢就聽到有位男聲講:小姐 小姐，我周圍望吓，個男仔真係叫緊我，仲好主動同我講，可以喺佢嗰度(收銀)落單。因為一出𨋢，就會見到有啲餐牌同埋一部自助點餐機。
我話想食粉麵，佢就同我介紹有3、4款粉麵畀我，我揀咗叻沙蝦之後，話要米線，佢就提議我試原裝嘅叻沙蝦麵，係油麵加米粉两溝，聽落都唔錯，就跟佢提議。嘢飲我就揀咗mocha，個男職員即時問我使唔使少甜，又幾細心喎！畀完錢，佢就同我講留意2號、5號檔嘅燈牌(2號係水吧、5號係麵檔)
好喇！ 講返食物質素，叻沙湯底味道夠嘅，幾香、唔算辣，除咗有三幾隻中蝦外，仲有幾嚿細豆卜、幾片魚片，魚片爽口、有啲芽菜、一隻蛋，整體幾好食！ 但杯mocha唔多掂，我真係覺得嗰杯係mocha😅
我好開心，喺香港，好少食肆啲職員咁主動、有禮、有耐性，而且佢哋都幾細心，所以今次用餐經驗有90分之高！
1
