譚仔雲南米線 (已結業)

平時返工諗唔到食咩既話，我通常都會去食譚仔，貪佢平靚正又夠快手。今日食晏又黎左食譚仔，果然係同標題咁講：我最愛既飯堂！我平時最鍾意叫雞肉金菇炸醬重慶中辣走芽菜。雞肉份量都唔少，食到最後都仲有雞肉可以夾，係我最鍾意既餸黎。相對黎講金菇份量就少啲啦，得兩三撮咁樣，好唔抵食，平時去街市買10蚊都有兩包炸醬我諗都唔洗我介紹，相信作為譚仔fans都一定會好likey!真係難怪譚仔依家會出個炸醬撈米線，的確有gimmick! 湯底夠晒酸又辣，重口味推介！