事實證明，系大大超出預期的好味。😃
最推薦的是呢個餅！（menu翻譯成饢，但其實Kulcha係比饢更薄的薄餅）
一攞上手已經被面餅散發出的蔥香味香到暈（所以一定一定要一上台就食佢）。神奇嘅系，兩層面餅居然系可以頂層煙韌而低層酥脆，所以口感非常好。
講真，我可以毎日將呢個餅當飯食！
第二樣試嘅系印度咖喱。講真，同茶記同超市買的都好唔同。對香料的搭配好得心應手。
凈食都唔好覺得鹹或者辣（打包第二日返工可以食到兩碗飯）
其實個菜單好多選擇，花多眼亂之下選了個以為熟悉的餃子，結果發現系翻譯成餃子，實際上我覺得更似肉丸。但好出奇，外皮明明系炸過的，內裏的餡料居然還是juicy的。想嘗鮮可以試吓呢個。
最後是飲品，好多mocktail，隔離台是同事聚餐，每個人都有一杯黃色的飲品，於是我也跟住點。果然係招牌飲品，真係OK喎，第一下感覺是有點輕微酸，之後就逐漸出現一些甜味，好得意的口感！芒果粒都唔少，仲加了些少類似堅果嘅嘢。
總體好評，人均200左右（有加1服務費）。从裝修到背景音都好有印度菜feel，而且分量唔細，適合同朋友聚餐。菜單品類好多，適合多人聚餐，大家一齊點唔同嘅嘢share。
友情提示：店員都係印度人，點餐要講英文，不過menu有中文翻譯，冇問題。
