素年 (福隆大廈)

由於佢係我工作地點附近，未開分店前，已經成日幫襯佢！
以新派素食嚟講，佢多款式又款款都做得咁出色！
我呢個「芫茜控」次次忍唔住都再叫返呢個 #香蒜芫茜意大利粉
佢呢度食物嘅份量係同男士嚟食都會叫飽，芫茜份量絕對滿足到各位芫茜控嘅人，少少蒜味同有蓮藕、粟米荀同蕃茄乾，但最出都係芫茜味！食完會打破你覺得食素唔夠飽同唔夠味、好清淡嘅諗法！

香蒜芫茜意大利粉

另一款 #日式咖喱豬扒意大利飯
大大碟之餘，而家嘅新豬肉整嘅吉列豬扒真係同食豬扒好似，咖喱汁夠creamy ，唔太辣，配意大利飯又幾好食！配菜都多，賣相打卡都唔失禮！

日式咖喱吉列豬扒意大利飯

兩款都好想再食，但又下次想食其他款！