Oyster Princess (已結業)

呢日來到杏花村探朋友，而杏花新城地下一條街有很多唔同種類食肆可選擇，因此呢日晚餐就喺以下『美食指南』點指兵兵搵到呢間～Oyster Princess.有多款海鮮盤可選選，價錢由188蚊至688蚊不等，豐儉由人，真係唔錯吖。經理推介是晚嘅刺身，係超級新鲜嘅象拔蚌刺身，於是，等了一陣，一碟擺盤勁靚嘅刺身就出现在我們眼前，下邊嘅冰粒令象拔蚌刺身保持新鮮，刺身新鮮又鮮甜，吃完一隻唔係好够喉，但冇得再叫，因呢隻已經係最後一隻。麻吉燒表面有少少燶，但不影響口感，煙煙韌韌，唔錯。鹽燒牛脷心，爽口，口感特别248蚊嘅海鮮盤，原先嘅2隻帆立貝由於冇貨，换咗8隻大蜆，有少少失望，但2隻大蝦砌成嘅型好靚又好味，鮑魚切成幾片又砌好成隻，吃得來方便又爽又有口感，新鮮空運嘅生蠔够大够肥美，點埋雞尾醬汁及檸檬汁，好味满足。照燒牛肉眼飯，飯入面又加埋D菇粒，令到層次豐富咗。