影片
更多
2022-06-06
752 浏览
前嗰排見到朋友嚟咗位於上環嘅呢一間和緣，咁我就趁男朋友生日嘅時候book黎同佢試吓啦。我大概係兩個禮拜之前book，可能係因為閒日食lunch嘅關係所以好容易就book到。呢一間日本餐廳最觸動我嘅事情就係佢嘅服務真係好貼心，好貼心，好貼心！係食飯嘅前幾日佢已經send 定menu 俾我問我要選擇邊一個set，同埋有冇啲唔食嘅野。咁我就揀咗一個連埋甜品有七道菜嘅餐。一去到嘅時候，望吓個Menu，發現印埋我個名，感覺好親切啊🥰 第一道菜係鵝肝醬配海葡萄，鵝肝醬好香，同海葡萄加埋一齊好夾。不過我覺得佢個餅乾底可以再脆少少。之後就係刺身啦，刺身有三款，廚師好細心咁樣解釋每一款魚同埋食法，側邊放咗d豉油同埋羊毛掃就係俾你唔夠味嘅時候可以點少少豉油喺魚生度。廚師解釋用羊毛掃嘅原因就係因為羊毛係唔會甩嘅 (又一個貼心位)。之後一道菜就係拖羅，海膽，生蝦，加埋紫菜天婦羅。師傅推介呢一個係要一大淡咬落去咁就可以一次過食到晒唔同嘢食嘅鮮味同口感。但我個人就覺得佢嘅紫菜天婦羅會搶咗魚生嘅味道，所以我選擇咗分開食。海膽同埋蝦都好新鮮，而我最鍾意食就係拖羅，係入口即溶嘅感覺啊😍之後就係雪蟹蒸蛋，食嘅每一啖蒸蛋都
呢一間日本餐廳最觸動我嘅事情就係佢嘅服務真係好貼心，好貼心，好貼心！係食飯嘅前幾日佢已經send 定menu 俾我問我要選擇邊一個set，同埋有冇啲唔食嘅野。咁我就揀咗一個連埋甜品有七道菜嘅餐。
一去到嘅時候，望吓個Menu，發現印埋我個名，感覺好親切啊🥰
第一道菜係鵝肝醬配海葡萄，鵝肝醬好香，同海葡萄加埋一齊好夾。不過我覺得佢個餅乾底可以再脆少少。
之後就係刺身啦，刺身有三款，廚師好細心咁樣解釋每一款魚同埋食法，側邊放咗d豉油同埋羊毛掃就係俾你唔夠味嘅時候可以點少少豉油喺魚生度。廚師解釋用羊毛掃嘅原因就係因為羊毛係唔會甩嘅 (又一個貼心位)。
之後一道菜就係拖羅，海膽，生蝦，加埋紫菜天婦羅。師傅推介呢一個係要一大淡咬落去咁就可以一次過食到晒唔同嘢食嘅鮮味同口感。但我個人就覺得佢嘅紫菜天婦羅會搶咗魚生嘅味道，所以我選擇咗分開食。海膽同埋蝦都好新鮮，而我最鍾意食就係拖羅，係入口即溶嘅感覺啊😍
之後就係雪蟹蒸蛋，食嘅每一啖蒸蛋都有蟹肉，非常鮮味！
下一道菜就係A4和牛。首先將蛋汁同埋黑松露撈勻然後將和牛沾滿蛋汁再放入個口入面，真係好正啊！成餐飯我最鍾意就係呢一道菜😊😊佢啲蛋加咗少少壽喜燒汁，整得好甜好好味。
黎到main course係一個魚生don。師傅因為驚客人唔夠飽，佢會問客人需唔需要加飯，務求令你食飽先離開餐廳😋 魚生don入面我最鍾意就係拖羅蓉，脂肪比例好好，食拖羅蓉都有入口即溶嘅感覺。
最後就係sake雪糕啦。雖然我冇影到相，但雪糕散發出陣陣嘅清酒香味，清得來好好食，為呢一餐飯寫下一個完美嘅句號。
喺食飯嘅時候我仲靜靜雞聽到廚師講話如果有咩飲食嘅需要可以預先話俾佢哋知，佢哋會為客人準備合適嘅餐單。姐係如果鍾意食壽司但係又想試吓呢種kappo 割烹嘅朋友都可以預先同餐廳講。
最後就係最觸動我嘅位啦，亦都係令我覺得自己好似去咗日本咁。話說我離開餐廳嘅時候去等lift，餐廳經理走出嚟陪我一齊等之餘，我哋入咗lift之後仲同我哋鞠躬講咗一句ありがとうございました。また おこしください。 Arigatō gozaimashita. Mata okoshi kudasai. 嘩，我係咪搭飛機去咗日本呀？
张贴
