影片
更多
2008-06-19
10 浏览
因為見到好多正面既食評,我同屋企人可以話係慕名而來,可惜係失望而回。去到餐廳,每人有一份只係提供半自助餐套餐既餐牌,有ABCDE等等可供選擇,價錢由$78至$148不等,最平既當時係只有自助沙律吧同自助甜品而無主菜既A餐啦!不過,餐牌最後列明,每兩或三位以上只可點一個A餐,呢一句好有問題—咩叫「每兩或三位以上」?兩位以上就兩位以上, 三位以上就三位以上,有得兩或三以上既咩?其實佢只俾客人一款餐牌,本來我都唔圍意,但係家姐話食唔晒咁多野,問有無得散嗌,我仲以為無,點知多口問句,侍應先好不情願咁,俾左個a la carte menu我地,而其實無問既客係唔會有呢份餐牌,使唔使咁鬼鼠?最後,我地點左A($78),B($88),D($98),E($108)餐各一,再加一個散叫既傳統芝士意大利飯($45);A,B,D,E餐分別係自助沙律及甜品(無主菜)、蕃茄扃意粉、雞胸配牛油飯、豬肋骨配什果杯,當然後三者都係包埋自助沙律及甜品啦!(呢幾個餐其實係有靚D既名,但係我唔記得。)估唔到完單後,侍應強調散叫果一位唔可以出去攞野食,攞左番黎既沙律同甜品唔可以share,佢好強調呢一點,其實我地都知道,但係
去到餐廳,每人有一份只係提供半自助餐套餐既餐牌,有ABCDE等等可供選擇,價錢由$78至$148不等,最平既當時係只有自助沙律吧同自助甜品而無主菜既A餐啦!不過,餐牌最後列明,每兩或三位以上只可點一個A餐,呢一句好有問題—咩叫「每兩或三位以上」?兩位以上就兩位以上, 三位以上就三位以上,有得兩或三以上既咩?
其實佢只俾客人一款餐牌,本來我都唔圍意,但係家姐話食唔晒咁多野,問有無得散嗌,我仲以為無,點知多口問句,侍應先好不情願咁,俾左個a la carte menu我地,而其實無問既客係唔會有呢份餐牌,使唔使咁鬼鼠?
最後,我地點左A($78),B($88),D($98),E($108)餐各一,再加一個散叫既傳統芝士意大利飯($45);A,B,D,E餐分別係自助沙律及甜品(無主菜)、蕃茄扃意粉、雞胸配牛油飯、豬肋骨配什果杯,當然後三者都係包埋自助沙律及甜品啦!(呢幾個餐其實係有靚D既名,但係我唔記得。)估唔到完單後,侍應強調散叫果一位唔可以出去攞野食,攞左番黎既沙律同甜品唔可以share,佢好強調呢一點,其實我地都知道,但係佢咁煞有介事咁講,令我地覺得當堂整cheap晒…
先講主菜, 傳統芝士意大利飯只算係一般質素,好在用既係真正意大利飯,材料清新,有青紅黃椒同菇絲,有芝士味,唔算膩,算係合格; 蕃茄扃意粉個汁酸酸地好醒胃,但係汁既份量太多,有少少膩,小蕃茄仔都幾好味,扁意粉份量適中,都係OK; 雞胸配牛油飯方面, 雞胸肉比預計多,而且雞上面個醬幾特別,講唔出係咩味,但係幾有特色,同件肉都幾配合得到,可惜牛油飯一點牛油味都無,而且份子極小,另有西蘭花等配菜,呢款叫做有好有唔好啦; 豬肋骨配什果杯睇落又大又吸引,但原來只係「得棚骨」,骨多肉少,肉仲要好散好碎,用刀掂一掂已經散晒咁,配菜只三片唔好味既薯仔片,什果杯就只係得西瓜同火龍果,咁都算什果咩?
估唔到,自助沙律一環已經叫係成餐裡面最好(但係唔好以為真係好優質,呢個「好」,只係relatively),抵讚既係的確有好多款汁俾人揀,而且除左有紅腰豆,粟米,麵包糠,菌類,生菜等,仲有凍蝦同埋小龍蝦,撈左既沙律都有三款,選擇算多。可改善既係, 菌類撈左一個好多油既汁,令其失色;粟米就撈左一人固微辣既汁,怪怪地,其實呢D咁raw既材料,可以乜都唔使加,等人自己加上各自喜歡既醬汁。另外,有個唔係太關店方事既微言,就係小龍蝦本身數量已經唔多,一盆裡面十隻唔夠,但係我地見到其中一桌人,一早已攞左五隻以上,放係桌上無過,最後我地想攞時出面已經無晒小龍蝦,而店方亦無再加添,最後我地唯有只食凍蝦,香港人食自助特色,由此可見一班!
湯有一款,係忌廉湯,可配蒜茸包,都唔錯。
自助甜品同我預期差好遠,好多食評話好,但係我地覺得好差!雖然款色唔少,但係質素唔得!芝士蛋糕有多款,但係芝士味極少,最好味既反而係朱古力芝士蛋糕,已經算係芝士味重少少既一款,各款芝士蛋糕既餅底都厚,一般係朱古力味,但係屬於唔脆果隻,件件都切得好細,約係普通size既三分一,咁都好,可以每件食少少,試多幾款。朱古力慕絲唔得,朱古力味十分淡,口感唔似mousse而係似cream,唔好味。Creme bulee仲衰,見佢個樣白side side已經心知不妙,食落果然無蛋味,我真係未見過白色既cremem bulee!雪糕呢,要睇彩數,明,顯係雀巢,但口味就要撞彩,我果日係呍呢拿同香芋,見到有食評話有三色,我都恨恨呢!因為其他甜品差,我又係主攻雪糕,食番佢四五杯囉!其餘甜品包括芒果布甸、桂花糕、啫喱糖、涼粉等,一般啦!
生果又係只有西瓜同火龍果,點解咁少?
餐飲都差過人,凍咖啡苦到死,好似無落過糖,奶又少到好似無咁,搞乜呢?
總之,雖然好多食評話好,但係我地既經驗真係唔多好,我地一定一定唔會再幫襯!
张贴