壹.01

营业中

休息中

每次嚟到觀塘都會好迷惘，因為太多選擇，永遠唔知揀邊間餐廳食好🤭。今次好彩朋友一早揀定，我只要跟住佢去就得。呢間台灣餐廳位於一個商場（近寫字樓）入邊，本身我都覺得呢個地方有少少唔精神，點知望真啲餐廳出邊已經排晒隊。🧆小食拼盤 $45有台灣腸、花枝丸同鹽酥雞，小小嘅價錢，但係可以食三款小食仲要都幾大份量，唔錯唔錯！🧀拉絲芝士火腿蛋餅 $45個蛋餅外皮有煎過脆卜卜好好味，不過我覺得加埋肉鬆會味道更佳🤤🐓紫菜手撕雞便當 $79見到台台都嗌咗手撕雞，就知呢個一定係餐廳撚手小菜，果然冇嗌錯，第一次見到紫菜係冚滿晒成個便當，非常幸福🥰 入邊超多手撕雞，仲有好多配菜，一定要嗌！🐙❓我不是章魚燒 $25呢個菜好搞笑，我費事劇透就唔多講，不過一定要試吓！你一定會好surprised 😆飲品方面嗌咗珍珠奶茶同埋雙檸冬瓜茶，飲品冇食物咁高質，珍珠奶茶少少失望。