麗島小廚 (已結業)

昨天食晏過咗石門京瑞嗰邊，嚟咗呢間麗島，見到佢 set lunch 有小菜有湯有飯，都係五十幾六十蚊，望落都幾好。個場都幾闊落，兩個人都有張大枱座。叫咗兩set，一個豉汁蒸䱽魚，一個梅菜蒸肉餅。佢個是日靚湯的確幾好飲，足料夠味，都似佢寫唔落味精。梅菜肉餅我覺得淋咗dd，味係唔錯。蒸魚佢新鮮蒸嚟所以要等一陣，的確新鮮，熟度啱啱好，味都調得好，成條都好好味。跟大碗白飯仲有都幾大碟菜跟餐，菜芯仲幾鮮甜，整體好高質，絕對值得再嚟。