因為住附近經過成日見到有啲人圍住等，就留意到呢間野～本身個人麻麻哋食雞，因為覺得乾爭爭～ 但呢間ET鹽水雞，你係食完會經常諗起會想再食😋（特別如果你鍾意食辣/蒜）
天氣熱，放工累，有時真係唔想食飯，又唔想又食譚x😅，$75（半隻雞餐）加2個$10冷麵撈埋食，可以係好多配料之中揀三樣，就係一個唔錯嘅二人晚餐！
（如果二人都好大食，建議叫一隻雞餐$147同埋會有6種配料）
我推介嘅配料有蜂巢豆腐，青瓜，蕃石榴～唔好以為個味道會怪！我初初都咁諗🤣 原來食落好fresh！一定要大膽啲揀佢餐單推介嘅配料就會好味～ 真的。因為其實啲辣雞撈埋個冷麵再加啲清新嘅配料係好入味好開胃好好食～ 可選大中小辣～難得濃味又唔會油膩喎～如果你唔食辣，standard蒜味都好好～仲有老闆娘好有心好好人，係真心想你食得開心👍 天氣咁熱，但佢態度都仲會好好，耐心推介食物和辣度。
