川公所 (已結業)

成家人都係無辣不歡🌶️🌶️🌶️，今次媽咪生日就刻意揀左呢間新開嘅川菜餐廳，環境好有中國風，而且睇落高級又坐得舒服。❤️‍🔥麻辣小龍蝦：睇到好多人都叫咗呢一個小龍蝦，賣相實在太吸引，搞到我哋都忍唔住叫番碟嚟試吓😆麻辣小龍蝦嘅份量好多，加上佢係有我最鍾意嘅麻辣香味，我覺得個味道都夠濃郁，好鬼正。❤️‍🔥燒茄子：簡簡單單嘅燒茄子，加上蒜蓉同埋香蔥，都已經令人胃口大開。❤️‍🔥干鍋田雞：好耐冇食過田雞啦，見到好少地方有，所以叫埋嚟試吓，田雞嘅肉真係特別煙韌又滑，啖啖肉嘅口感，加上辣椒嘅味道，真係鑊氣十足。❤️‍🔥涼拌鮮魚皮：涼拌小食都好值得一試，魚皮煙煙韌韌，好有咬口。❤️‍🔥重慶霸王雞翼尖：麻辣味道嘅雞翼尖，加上芝麻嘅香味，越食越好味。