影片
更多
2011-08-25
414 浏览
其實本身都嚟過兩次，不過到上個星期食完之後拖到今日先寫食評，無計，懶之過。話說第一次嚟食已經係上年十一月二十號，當時通脹已經開始升溫，想搵啲又平又好食又地段方便嘅餐廳食吓開心吓，就揀咗呢間，當時上嚟 Openrice 呢度睇其實都係搏吓，點知食落又正喎！$38 嘅套餐，有湯、有前菜春卷、餅、飯、主菜咖哩羊仲有餐飲。論陣容、論份量都唔失禮，最衰第一次去事隔太耐，當時又無習慣寫食評，所以記憶散失哂。比如話呢個餐湯，余已經唔記得咩味道。不過余肯事隔大半年 encore 證明當時印象都好好，如果要講印象最深刻最強烈，一定係 Momo 個醬汁，都真係幾香辣，不過又有少少清新感覺，好得意。個餃本身就咁食都已經好食又夠料。到上個星期喇，又再次有機會同另一位朋友嚟呢度食，不過呢次余就記得個湯係咩味，如果余無飲錯就應該係雞湯，有紅蘿蔔絲，湯本身個質感其實都算幾清，不過口味就相當適中，啱啱好。前菜照舊都係春卷，正！夠香脆！如果再乾身少少，少啲油就完美。主菜揀咗食咖哩牛；呢度嘅咖哩口味上算係入門級，香甜帶少辣，啱香港人口味，呢次坐响余身後張大檯就有一個地道香港家庭。比較可惜係呢次無再叫 Momo，不過都驚食
話說第一次嚟食已經係上年十一月二十號，當時通脹已經開始升溫，想搵啲又平又好食又地段方便嘅餐廳食吓開心吓，
就揀咗呢間，當時上嚟 Openrice 呢度睇其實都係搏吓，點知食落又正喎！$38 嘅套餐，有湯、有前菜春卷、餅、飯、主菜咖哩羊仲有餐飲。
論陣容、論份量都唔失禮，最衰第一次去事隔太耐，當時又無習慣寫食評，所以記憶散失哂。比如話呢個餐湯，余已經唔記得咩味道。
不過余肯事隔大半年 encore 證明當時印象都好好，如果要講印象最深刻最強烈，一定係 Momo 個醬汁，都真係幾香辣，不過又有少少清新感覺，好得意。個餃本身就咁食都已經好食又夠料。
到上個星期喇，又再次有機會同另一位朋友嚟呢度食，不過呢次余就記得個湯係咩味，如果余無飲錯就應該係雞湯，有紅蘿蔔絲，
湯本身個質感其實都算幾清，不過口味就相當適中，啱啱好。前菜照舊都係春卷，正！夠香脆！如果再乾身少少，少啲油就完美。主菜揀咗食咖哩牛；呢度嘅咖哩口味上算係入門級，香甜帶少辣，啱香港人口味，呢次坐响余身後張大檯就有一個地道香港家庭。
比較可惜係呢次無再叫 Momo，不過都驚食唔哂，唔緊要，去埋第三次補返數！
张贴
