更多
2018-11-16
5607 浏览
怀旧场景餐厅近年十分流行，很多茶餐厅、冰室，甚至火锅店都大玩这种主题。上个月同闺蜜去港岛太平洋酒店「中西．环」食 Afternoon Tea Buffet，留意到餐厅最近推出咗以怀旧为主题嘅「棋」趣大笪地海鲜自助晚餐。「大笪地」向来被称为「平民夜总会」，以熟食大牌档及贩卖具地方特色嘅物品而闻名，只可惜「大笪地」早已经曲终人散，变成大众集体回忆的一部分，所以趁今次餐厅将昔日上环大笪地的风貌重现，决定来回味一下。到埗后，先在场内走一转，餐厅入面有唔少怀旧装饰，例如藤篮、暖水壶、搪瓷漱口杯等等，再加上角落嘅怀旧小食摊档，真的令人有穿越时光隧道，重拾遗忘已久的老香港情怀感觉！每次食自助餐都钟意由海鲜区开始，今次当然也不例外。单系冰镇海鲜就已经有成 8 款，排列得非常整齐，包括有波士顿龙虾、鳕场蟹脚、挪威面包蟹、龙虾钳、纽西兰高级青口、大虾、翡翠螺、蚬只等。最正就系原只波士顿龙虾，唔单止 size 够大只、有肉地，而且膏量亦澎湃甘香。另外蟹脚味道亦唔错，粗身多肉，微微咸鲜，绝对值得一试。Salad Bar 嘅沙律菜非常爽脆，而配料方面就有西兰花、车厘茄、青瓜同甘笋等，吃时可混入少许沙律汁，味道倍
怀旧场景餐厅近年十分流行，很多茶餐厅、冰室，甚至火锅店都大玩这种主题。上个月同闺蜜去港岛太平洋酒店「中西．环」食 Afternoon Tea Buffet，留意到餐厅最近推出咗以怀旧为主题嘅「棋」趣大笪地海鲜自助晚餐。「大笪地」向来被称为「平民夜总会」，以熟食大牌档及贩卖具地方特色嘅物品而闻名，只可惜「大笪地」早已经曲终人散，变成大众集体回忆的一部分，所以趁今次餐厅将昔日上环大笪地的风貌重现，决定来回味一下。
到埗后，先在场内走一转，餐厅入面有唔少怀旧装饰，例如藤篮、暖水壶、搪瓷漱口杯等等，再加上角落嘅怀旧小食摊档，真的令人有穿越时光隧道，重拾遗忘已久的老香港情怀感觉！
每次食自助餐都钟意由海鲜区开始，今次当然也不例外。单系冰镇海鲜就已经有成 8 款，排列得非常整齐，包括有波士顿龙虾、鳕场蟹脚、挪威面包蟹、龙虾钳、纽西兰高级青口、大虾、翡翠螺、蚬只等。最正就系原只波士顿龙虾，唔单止 size 够大只、有肉地，而且膏量亦澎湃甘香。另外蟹脚味道亦唔错，粗身多肉，微微咸鲜，绝对值得一试。
Salad Bar 嘅沙律菜非常爽脆，而配料方面就有西兰花、车厘茄、青瓜同甘笋等，吃时可混入少许沙律汁，味道倍添清新。如果唔想自己组合，也可以试下摆喺前排预制嘅通粉沙律、粟米粒等。而个人最喜欢，就系放喺中间嘅冻鸡丝麻酱拉面，面条肥嘟嘟，具咬口，入口爽韧冰凉，加埋拌菜同酱料吃，别有一番滋味。
至于冷盘方面，其实选择唔多，只有巴马火腿、烟鸭胸、花雕猪手冻肉批同杂锦冻肉等。几款冻肉味道都唔错，就算空口食都唔会觉得太咸。不过讲到最钟意，还是创意十足嘅花雕猪手冻肉批，卖相非常精美，不但外表晶莹剔透，而且食落有咬口之余，仲够晒爽弹。 
轮到吃刺身和寿司，刺身有三文鱼、吞拿鱼、希灵鱼、油甘同八爪鱼，另外亦有两款寿司卷。三文鱼油润肥美、吞拿鱼味道甘甜、而八爪鱼亦鲜味十足，食落烟韧有咬口。
食完咁多生冷野，就轮到吃热食。汤品共有两款，一中一西，包括有怀旧碗仔羹同南瓜汤。碗仔羹用料十足，除了有爽口嘅木耳丝同冬菇丝外，仲有肉质滑嫩唔起渣嘅肉丝、软腍嘅粉丝等。汤底同材料嘅比例亦配合得恰到好处，浓得嚟又唔会煮到一旧旧，味道自然。
热盘方面，先主攻几款大笪地怀旧美食，包括有姜葱炒龙虾钳、椒盐濑尿虾、豉椒炒蚬、蜜汁火焰叉烧、明炉烧鸭、即制海鲜戏棚粥、港式腊味糯米饭。龙虾钳肉质厚实、口感弹牙，加上用姜葱爆炒，特别惹味。大厨非常细心，上桌前已经将虾钳外壳拍碎，既方客人享用又能使虾肉沾上酱汁。
濑尿虾炸至外层脆卜卜，几乎连壳都可以食埋，而入面嘅虾肉亦非常 juicy，一啲都唔老，肉质鲜甜！豉椒炒蚬十分多肉，吃下去非常惹味，完全无沙。
火焰叉烧亦很有水准，用上软腍的脢头肉来炮制，质感非常松软，食落不但唔黐牙、唔嚡口，而且半肥瘦的感觉藏于肉间，甘香嫩滑又不肥腻。叉烧喺碟上仍不断吐出蓝焰，视觉效果一流。至于旁边的明炉烧鸭，味道亦不俗，外皮酥脆，入口油润不肥。
「戏棚粥」系香港怀旧地道美食之一，以前多数喺戏棚附近供应，难得呢度有得食，当然唔可以走寳。大家可以自选喜欢的海鲜及配料，如蟹、虾、沙白、蓝青口、潮州鱼片、土鱿等，厨师会以生滚方式即场炮制，入口热辣辣，粥底软绵香甜，食完真系暖到入心。
另外放喺蒸笼入面的港式腊味糯米饭亦绝对唔可以错过，用料好丰富，有腊肠、膶肠、腊肉同蛋丝等。腊肠柔韧软绵、膶肠甘香滋味，而腊肉亦甚具嚼劲，配埋烟韧分明的糯米饭一齐食，既美味又暖胃。
至于其他热盘就仲有生姜红酒烩牛尾、蒸鱼、意大利芝士云吞配牛肝菌芝士忌廉、美式酱烧猪仔脾、秘制猪脚姜、意式扒杂菜、酥炸蒜香鱿鱼、意式薄饼、清炒时菜、德国咸猪手、烧西冷等。要特别推介当中嘅牛尾同西冷，牛尾肉质很有弹性，加上连著一节节骨头，所以食落牛味更浓。西冷松软有肉汁，牛魔一定会吃得十分满足。
另外凡惠顾的食客，每位均可免费获赠一份「黑松露蟹肉焗响螺」。响螺新鲜焗制，螺壳入面酿满了猪肉碎、蟹肉丝同螺肉；螺粒充满嚼劲，与肉碎同吃，咬感十足，加上香气扑鼻嘅黑松露，相当抢口，令人食指大动！
又嚟到甜品时间，先讲下几款以「棋」做卖点嘅甜品，包括有色彩缤纷的飞行棋马卡龙、波子棋造型士多啤梨慕丝蛋糕及中国象棋造型白朱古力慕丝蛋糕。大厨先将马卡龙制成红、蓝、黄、绿四色棋子，然后放喺飞行棋造型糖纸上，像真度极高，非常过瘾，当然要相机食先。另外波子棋造型蛋糕亦非常吸睛，厨师喺海绵蛋糕面铺上一层士多啤梨慕丝果蓉，并以白朱古力制成棋盘，再于每个角落分别放上朱古力棋子，造型活灵活现，栩栩如生，令人舍不得将蛋糕吃掉！
至于其他甜品就仲有鲜果挞、益力多草莓布甸、栗子千层蛋糕、蓝莓芝士饼、意式奶冻、面包牛油布甸、法式焦糖炖蛋、传统砵仔糕、冰脆龙须糖、彩虹糯米糍、芝麻糊、豆腐花、港式鸡蛋仔、蛋散、棉花糖等。唔少得嘅当然仲有每次必吃的 Häagen-Dazs 雪糕，连食两杯，实在非常满足。顺带一提：「棋」趣大笪地海鲜自助晚餐
供应日期：即日至31/12/2018
供应时间：6:15pm-9:30pm
价钱：星期日至四 成人$428，小童 (3至11岁) $298，长者 (65岁或以上) $298
星期五六、公众假期及前夕 成人 $468，小童 (3至11岁)）$338，长者 (65岁或以上) $338，而网上付款更可享高达 7 折优惠。
张贴
