影片
更多
2021-06-23
892 浏览
最近幾個月小編都食過幾間韓燒餐廳，依一間應該係CP值最高嘅一間韓燒🥇餐廳都有做仼食，但單點同套餐嘅價錢都非常之親民，所以小編同朋友就決定單點揀自己想食嘅嘢🥳佢哋有成廿幾款肉類，由$90到$140不等，只要加$20就可以轉就套餐，有白飯、前菜、甜品、湯等等，好抵食😛另外都有啲廚師推介，全部都唔洗$200😍—《 #雪降牛 》$180 ⭐⭐⭐⭐《 #牛排骨肉》$150 ⭐⭐⭐⭐唔知有冇撈亂依兩碟牛肉名，因為上菜嘅兩個侍應講法都唔同😂如果冇認錯嘅話，牛排骨肉係比起雪降牛更加好食😋其實兩隻牛嘅牛味都夠重，不過牛排骨肉略勝，兼且口感更加好😆記住牛肉唔好好似小編咁唔小心燒到全熟阿，如果唔係就會韌🥲—《 #五花腩》$90 ⭐⭐💥五花腩比較遜色，通常食韓燒嘅五花腩都都有腌過，但依碟就真係無醃，所以真係食原汁原味，咁就有啲普通☹️唯有靠自己加鹽/燒汁/泡菜去令佢有味道多啲😂但份量上黎講，$90有足足四大塊厚身嘅豬五花係幾抵食😉 不過每片都有7成係肥膏，好邪惡呀😈—《 #鹽燒牛脷》$150 ⭐⭐⭐⭐依度韓燒既牛脷同平時日式燒烤既唔同，平時日式切成2-3mm薄薄一塊會唔夠喉，但依度就夠哂闊佬，每塊都有近成cm咁
最近幾個月小編都食過幾間韓燒餐廳，依一間應該係CP值最高嘅一間韓燒🥇餐廳都有做仼食，但單點同套餐嘅價錢都非常之親民，所以小編同朋友就決定單點揀自己想食嘅嘢🥳佢哋有成廿幾款肉類，由$90到$140不等，只要加$20就可以轉就套餐，有白飯、前菜、甜品、湯等等，好抵食😛另外都有啲廚師推介，全部都唔洗$200😍
—
《 #雪降牛 》$180 ⭐⭐⭐⭐
《 #牛排骨肉》$150 ⭐⭐⭐⭐
唔知有冇撈亂依兩碟牛肉名，因為上菜嘅兩個侍應講法都唔同😂如果冇認錯嘅話，牛排骨肉係比起雪降牛更加好食😋其實兩隻牛嘅牛味都夠重，不過牛排骨肉略勝，兼且口感更加好😆記住牛肉唔好好似小編咁唔小心燒到全熟阿，如果唔係就會韌🥲
—
《 #五花腩》$90 ⭐⭐💥
五花腩比較遜色，通常食韓燒嘅五花腩都都有腌過，但依碟就真係無醃，所以真係食原汁原味，咁就有啲普通☹️唯有靠自己加鹽/燒汁/泡菜去令佢有味道多啲😂但份量上黎講，$90有足足四大塊厚身嘅豬五花係幾抵食😉 不過每片都有7成係肥膏，好邪惡呀😈
—
《 #鹽燒牛脷》$150 ⭐⭐⭐⭐
依度韓燒既牛脷同平時日式燒烤既唔同，平時日式切成2-3mm薄薄一塊會唔夠喉，但依度就夠哂闊佬，每塊都有近成cm咁厚😍大火燒香兩邊，燒至6-7成熟，爽口又唔韌，有肉汁而且牛味十足🤗
—
《 #豬頸肉》$90 ⭐⭐⭐⭐💥
豬頸肉嘅份量好驚人，有成十幾塊咁多😱餐廳用韓式嘅甜醬醃過，食落更加滋味😎而豬頸肉都非常之有質素，每塊都有相當嘅厚度，最緊要係可以燒到外層脆皮，中間爽嫩彈牙，絕對係必點選擇之一👍🏼
—
《 #羊鞍》$150 ⭐⭐⭐⭐
羊鞍識燒一定係6成熟就夠☺️上碟時面頭微焦，中間粉嫩，食落多汁又唔鞋🥰而且依度嘅羊鞍大細適中，又唔會成舊都係肥膏，仲有香草調好味，好容易就燒得好食！😋
—
《 #海蝦》$140 ⭐⭐⭐💥
海蝦$140黎講份量尚算合理，因為每一隻嘅大細都有成隻手咁長😌食得出非常之新鮮，搣嘅時候殼同肉唔會黐埋，厚肉兼爽口，唔錯😆
张贴
