上海榮華川菜館

营业中

休息中

昨晚約了朋友去觀塘食飯，我們經朋友介紹去位於崇仁街老字號上海榮華川菜館,坐位闊落, 牆上掛滿懷舊相片， 很有特色。我和朋友揀了兩人套餐$208，價錢好大眾化。麻婆豆腐~豆腐好滑，配合肉碎汁 送飯一流。糖醋排骨~ 酸酸甜甜， 零舍醒胃， 排骨新鮮， 果然係招牌菜。芝麻麻辣豬肚~ 豬肚絲好爽， 不算太麻辣，啱曬我口味。砂鍋雲吞雞， 套餐再加25就有，有四隻雲吞 ， 幾件雞， 份量也不少，真係好抵， 味道真的不錯。 套餐包八寶茶~ 包括有紅棗杞子菊花， 還有些茶葉，有清香花味， 建議焗一陣先飲更佳。